Liggaamsvrugte

Met die son wat agter die gordyn

Huiwerig verskyn

En sy eerste strale skerp

Lig op twee liggame werp

Onthul dit gisteraand se gebeure

Die gevoelens, smaak en geure

Wat ons vroegoggend herontdek

En dan dieselfde drange weer opwek

 

My hande in jou hare

Gevleg, is jou bene om my

Jy vervang die bloed in my are

Jou hart kry nog ‘n klop-slag by

Vasgevang, vasgebind

In ‘n liefdesgreep

Tussen gekreukelde lakens

Word die Paradys gevind

Waarin ons die Tuin

Stuk vir stuk

Verken en mekaar se

Liggaamsvrugte pluk

Lyftaal

Voel-voel-vingers

Opsoek na jou hand

Wat stadig steier

Oor jou lyf se rand

En saggies

Op jou borste land

Toe jou hart weergalm

Klop-klop weerklink

Teen my handpalm

Wat vee-vee voel

Oor vel en ribbebeen

Spoel af-af tot onder

Op jou bobeen

En dan gly-gly

Na binne

Bedui

Met suggestiewe

Handgebare

Eksplisiet

Bloed bruis binne are

Binne die vlees

Dis hoe ek jou

Lyftaal lees

Passion…

It’s something that fuels the fire

It turns a spark into a flame

It can transform the sweetest kitten

Into a beast that’s impossible to tame

 

It’s what converts a pond into a river

Wild rapids that flows fast and swirls

It’s a thing that causes flat backs to arch

And straight toes to curl

 

It’s a force that not only makes your body quiver

But also allows your whole world to quake

It’s a runaway train on a downslope

That has no intention to brake

 

It’s a play that, when performed

Leaves the crowd screaming “encore”

It’s an adventure with delightful trails

That leads to pleasurable valleys to explore

 

Passion…

 

It’s an action with many consequences

A deed that won’t be overlooked

It’s a way of making love to another

Try it, I guarantee you’ll be hooked

Dronkende gedagtes

Jy deurdrenk my gedagtes

Dis jy wat my denke verdrink

As ek myself soek en weer vind

Vind ek dis jy waaraan ek weer dink

 

Want jy spoel my brein

My begrip betower jy

My verstand word verbluf

En volkome verlei

 

My gedagtes raak dronk van jou

Op jou bly ek ‘n glasie klink

Keer op keer op keer is dit jy

Wat ek in my beker skink

 

Jy beroof my van my sinne

Steel my gedagtes soos ‘n dief

En sou jy dit dan ontrafel en lees

Sal jy weet ek is verlief

 

My gedagtes loop oor van jou

My gedagtes is verslaaf aan jou

My gesofistikeerde dis

Jy’t ‘n nuwe aptyt

Binne my kom opwek

Jouself op my bord bedien

Stylvol vir my uiteengesit en uitgelê

Aan jou wil ek proe en wil ek lek

‘n Voorgereg om my mee te terg

Nóg meer van jou wil ek hê

Jou geur wil ek identifiseer, jou smaak

Jou sagte tekstuur uitken

Soos wat my lippe aan jou raak

‘n Hoofgereg om my honger te stil

Om my versadig met jou te laat

Om my aptyt met jou te vul

En vir nagereg

Vir die lekkerte daarvan

Vir die lus

Jou liggaam teen myne, kaal

Jy’s my gesofistikeerde dis

Van jou maak ek ‘n drie-gang maal

Met elke stukkie van my

Soveel gevoelens gelyktydig

Saam geweef as een

Dit borrel en bruis binne my

En kan nêrens heen

 

Dit verswelg my denke

Hierdie gevoelens wat ek voel

Dit omsingel my wese

Oorweldig, oorspoel

 

Ek wil dit na woorde verwerk

Uiting aan my denke gee

En dit tot dade omskep

Wat ek oor jou sal vee

 

Soos sagte kwashale

Orals op jou lyf verf

My gevoelens liggies en subtiel

Op jou liggaam uitkerf

 

Ek wil dit op jou vel graveer

Letsels van liefde op jou los

My gevoelens, my denke, my dade

Met soene aan jou siel pos

 

Want ek is lief vir jou

Lief vir elke stukkie JY

En wil dit graag vir jou wys

Met elke stukkie van MY

Love is…

Love never get spoiled

Love has no expiry date

Love never arrives on time

Nor is it early, nor is it late

 

Love is everything it should be

Yet it’s nothing what it seems

For some, love is a reality

For others it only exists in their dreams

 

Love is the world’s most wanted

Being both a criminal and saint

Love, they say, will set you free

Yet it will keep you restrain

 

Love sometimes seems to be

A false preacher that leads us astray

But love is really a compass

To guide us on the right way

 

Love is a fortune

That even the poor possess

Love is a free prescription

A drug for the depressed

 

Love is a helpless stranger

Who knocks on our front door

Love never expect love in return

But always hands out more

 

Love is life’s greatest treasure

Love is life’s most valuable piece of art

That can’t be found in no rich man’s vault

But can only be kept safe in the heart

 

Behep met die maan

Sit jou hand in myne

Kom saam met my op ‘n ruimtereis

Ek wil die eindelose wydte

Van my liefde vir jou wys

 

Daar sal ons gly op sonstrale

En land op ‘n sekelmaan – wip en wieg

Swaai-swaai aan die hemelruim se balke

Ons ken nie die verskil tussen val en vlieg

 

Kom saam met my na die buitenste ruim

Daar waar die son nooit sak en verdwyn

Ons liefde sal so warm en helder bly

Soos ‘n duisend sterre wat verewig skyn

 

Die heelal kan ons speelgrond wees

Maar in jou hart sal ek my tuiste maak

Elke aand sal eindig met ‘n Oerknal

Elke keer as my lippe joune raak

 

Saam sal ons sweef soos twee planete

In een enkele wentelbaan

Want was ons nie maar nog altyd behep met die sterre

En meer gepla met die maan?